20 сентябрьыште Оршанке районысо Упшо селаште «Выбери свой ориентир» проект тӱҥалтышым налын.
Тушко районысо тӱрлӧ школ гыч 180 наре тунемше ушнен. Спорт ориентирований дене таҥасымаш тений кеҥежым лӱмынак тиде проектлан ямдылыме у карт почеш эртен. Участник-влак, кидыш компас дене картым кучен, спортын тиде видыштыже чолгалыкым ончыктеныт.
Таҥасымашым иктешлымеке, икымше вер дене Е.Москвичёва, Н.Прозоров, К.Зверева, А.Ефремов (Шулко школ), В.Мешкова (Тошто Крешын школ), М.Пекпаев (Марково школ), Д.Пушкарёв (Упшо школ), К.Шатикова (Оршанке школ), Д.Козлов (Кугу Ӧрша школ) палемдалтыныт.
Вес старт Моркышто 2 октябрьыште лиеш.
А.Байкова.
