УВЕР ЙОГЫН

«Куштылго еҥ-влак» сеҥеныт

Шукерте огыл Москваште «Российын событийже-влак» икымше всероссийский профессиональный премий конкурсын финалже эртен. 

Марий Эл гыч тушко кум кугу мероприятий темлалтын. Куанен палемдена: кумыт гыч иктыже «Тӱвыра областьысе событий-влак. Шоу ден парад-влак» номинацийыште икымше верыш лектын. Тиде — «Куштылго еҥ-влак-2018» воздухоплаваний фестиваль. Тудо тений кеҥежым Йошкар-Олаште икымше гана эртен да икмыняр кече шуйнен. Ола ӱмбалне чоҥештылше юж шар-влакым шукынжо ужын ӧрыныт, очыни. Тудын организаторжо  — «Куштылго еҥ-влак» клуб вуйлатыше Михаил Томуров. Мыланна тудым саламлаш гына кодеш

 С. Носова

 Снимкыште: финал годым.

Опубликовать в Одноклассники

Добавить комментарий