15-16 сентябрьыште Медведево районысо Песчаный карьер воктене пикш гыч 3 Д лӱйкалымаш дене открытый чемпионат эртен.
Тушко Марий Эл, Татарстан республикла да Киров кундем гыч пикш да арбалет гыч лӱйкалаш кумылан еҥ-влак погыненыт. Чылаже 43 спортсмен таҥасен.
Турнир «Олимпик», «Баребоу», «Арбалет», «Инстинктив», «Спортинг», «Анлимитед», «История + лонг» класс ден дивизион-влак коклаште эртен.
Чемпионатыште А.Герасимова, Р.Куранов, Ф.Галимуллин, К.Чернова, Т.Павлова (Татарстан), А.Авдеев, Ф.Сагирова (Марий Эл), В.Королёв (Киров область) икымше вер дене палемдалтыныт.
А.Байкова.
