УВЕР ЙОГЫН

Тӱрлӧ тӱсан Марий Эл: У ийыш пуреныт

Марий епархийыште черке календарь почеш У ий тӱҥалмылан пӧлеклалтше кугу погынымаш эртен. Тушто республикысе чыла приход гыч священослужитель-влак лийыныт. 

Благовещений соборышто кумалтыш деч вара чылан Успений храм марте ырес дене каеныт, вара Йошкар-Оласе Православный рӱдерын актовый залышкыже погыненыт. У ий дене марий митрополит Иоанн саламлен да ойыртемалтше-влакым палемден. Но ончыч погынышо-влакым митрополийын паша лектышыж дене палдарен. Таче тушто 98 храм, кок монастырь, 33 часамла уло, 95 священник ден 18 диакон пашам ыштат. Тений Семеновкысо Юмым шочыктышо Аван черкыжын тӱҥ престолжым уэмденыт. Оршанкысе черкын кок приделжым, МВД-н оралтыштыже кумалме пӧлемым, Звенигово районысо Чакмарий селасе, Медведево районысо Сидорово ялыште, Йошкар-Оласе Тарханово микрорайонышто черкылам пашаш колтымо.

Ойыртемалтше черке пашаеҥ-влак кокла гыч Русьым тынеш пуртымылан 1030 ий теммылан Руш православный черкын медальже дене Советский районысо Кодам школын завучшо Галина Лебедевам, да Марий епархийым вияҥдымаште тыршымыштлан священномученник Леонидын медальже дене эше икмыняр еҥым палемдыме.

Снимкыште: ойыртемалтше-влакым палемдыме годым.

С.Носова ямдылен. 

Опубликовать в Одноклассники

Добавить комментарий