УВЕР ЙОГЫН

Марий Эл вуйлатыше Урал кугыжаныш юридический университетым 100 ияш лӱмгечыж дене саламлен

Марий Эл вуйлатыше А.Евстифеев  Урал кугыжаныш юридический университетын 100 ияш лӱмгечыжым пайремлымашке миен, увертара Марий Эл вуйлатышын организаций да аналитике виктемже.

Александр Евстифеев университетын профессоржо, преподавательже, студентше, аспирантше, выпускникше-влакым саламлен. УрГЮУ элыште ик эн авторитетан вуз да юриспруденцийыште кӱкшӧ квалификациян специалистым ямдыла манын палемден тудо.

Лӱмгечыш Российын генеральный прокуроржо, вузын выпускникше Ю.Чайка, тудын кок алмаштышыже А.Буксман, В.Гринь, Россий Президентын Урал федерал округышто полномочный представительже Н.Цуканов, РФ Кугыжаныш Думын кугыжаныш чоҥымо комитетын председательже П.Крашенинников, Свердловск областьын губернаторжо Е.Куйвашев, молат лийыныт.

Марий Эл вуйлатыше моло уна-шамыч дене пырля право теорийын Урал  школжылан негызым пыштыше С.Алексеевын, 1954-1986-шо ийлаште Свердловск юридический институтын ректоржылан пашам ыштыше Д.Остапенкон мемориалышт  воктеке пеледышым пыштен.

Умбакыже УрГУЮ-н тӱҥ тунемме корпусшо воктенсе площадьыште «Пагытын капсулжым» мландыш урымо церемоний эртен. Тудым 25 ий гыч, Урал кугыжаныш юридический университетын 125 ияш лӱмгечыж годым почаш палемдыме.

Л.ШАБДАРОВА.

Опубликовать в Одноклассники

Добавить комментарий