Прокуратурын сайтышкыже вуйшиймашым колтем гын, кунам тудым ончен лектыт.
О.Иванова.
Медведево район, Ежово села.
Медведево районысо прокурорын полышкалышыже Владимир Поляков вашешта:
— РФ Прокуратурын органлаштыже граждан-влакын йодмашыштым ончен лекме радам нерген инструкцийын 2.3 пунктшо дене келшышын, пурышо чыла йодмашым ончыч кум кече жапыште регистрироватлышаш улыт. Прокуратур органыш пурымо радамым да жапым ончен, варажым нуным ончен лектыт.
5.1 пункт дене келшышын, граждан, военнослужащий, нунын ешышт, должностной да моло лица-влак деч пурышо йодмашым, нуным регистрироватлыме кече деч вара 30 кече жапыште ончен лектыт. Ешартыш шымлымаш ден тергымаш огеш кӱл гын, федеральный закон почеш нимогай моло йодмаш уке гын, 15 кече жапыште.
Ончен лекшашлык пагыт каныш але пайрем кечын мучашлалтеш гын, тугеже пытартыш ончен лекме кечылан вес кечыже шотлалтеш.
С.Носова ямдылен.
