Автомашинам виктарыме годым пырля шинчыше еҥ мешая але лӱдыктылеш гын, тудым мут кучаш шогалташ лиеш мо?
А.Иванаев.
Йошкар-Ола.
Медведево районысо прокурорын полышкалышыже Владимир Поляков вашешта:
— 2017 ий 3 апрельыште «РФ Уголовный кодексыш да Уголовно- процессуальный кодексын 15-ше статьяшкыже вашталтышым пуртымо нерген» Федеральный закон пеҥгыдемден: кӱртньыгорно, теҥыз, вӱд але юж транспортышто, але тӱшкан пайдаланыме вес моло транспортышто общественный порядкым пудыртымаш РФ Уголовный кодексын «Хуиганство» 213-ше статяшкыже логалеш.
Тидын дене пырля Уголовный кодексыш эше ик у 267.1 статьям пуртымо. Тушто палемдыме: транспорт средствым лӱдыкшыдымын эксплуатироватлаш мешайыше хулиган шонымаш дене ыштыме действийлан уголовно мут кучаш шогалтат. Титакан лицалан 150 гыч 300 тӱжем теҥге марте, але пашадар кугыт, але кок ий марте судитлыме еҥын налме парышыже наре тӱлыктен кертыт, тыгак кок ий марте эрыкшым шыгыремдат але тынарланак эрык деч посна кодат.
С.Носова ямдылен.
