Марий Эл вуйлатыше Александр Евстифеев кок йочасадым почын: иктым – Йошкар-Олаште, весым – Медведево посёлкышто. Нуным пашашке колтымо дене дошкольный учрежденийлашке черет 305 еҥлан шагалемын.
-Тиде тений Йошкар-Олаште почмо кокымшо йочасад. Икымшыжым мартыште пашашке колтымо. Ончычсо садикым уэш пӧртылташ тыршенна. 10-15 ий ончыч тудым ужалыме улмаш, сандене тидым ыштен кертме огыл. Но ты задаче кораҥдалтын огыл, а изишак вашталтын веле: йочасад-влакым чоҥыман. Кызыт Йошкар-Олаште иканаште кум садикым ыштена. Тушто 900 икшывылан вер лиеш, – каласен Александр Евстифеев.
Тыгак тудо йочасад вуйлатышылан квалифицированный кадрым чумыраш темлен. Тылеч вара чоҥышо-влаклан тауштен ойлен.
– Ончычсо тиде оралтыште йочасадым вераҥдаш палемдалтын огыл. Но мэрий ӱшандарен: весе-влак вучалтен кертыт, а садик кӱлеш. Санденак таче тудо почылтеш, – рашемден регион вуйлатыше.
– Александр Александрович ден республикын правительствыже садиклаште верым ситарыме йодышлан тӱткышым кажне кечын ойырат. Тидлан оласе кучем таушта гына, – каласен Йошкар-Олан мэрже Евгений Маслов
45-ше №-ан «Алые паруса» йочасад Ураев бульвар, 6 адрес дене улшо шуко пачеран пӧртын икымше пачашыштыже верланен да 195 икшывылан келыштаралтын. Кумдыкшо – 2000 кв. метр наре. Уна-влак группылаште лийыныт, пищеблокым, медицине кабинетым, физкультурно-музыкальный залым, малыме пӧлем-влакым ончен савырненыт. Чылажат кӱлеш стандартлан келшен толмым палемденыт.
Тиде садикыш икшыве-шамыч кошташ тӱҥалыныт да уна-влаклан музыкальный пӧлекымат ямдылен шуктеныт.
теныт. Кокымшо йочасад, рашрак каласаш гын, 4-ше №-ан «Ромашка» садикын 110 верлан келыштарыме у корпусшо, Медведево поселкышто Полевой уремыште почылтын.
Погынышо воспитатель ден ачаава-шамычым саламлышыла, Марий Эл вуйлатыше палемден: дошкольный образовательный учреждений-влакым чоҥымаш – республикысе да район кучемын обязанностьышт. А йочасадлашке черетым пытарымаш – эн ончыч ышталтшаш задаче. Тудо лишыл жапыште шукталтшаш.
школ – моткоч шагал, йочасад – йӧршын уке. Кызыт ме тиде экшыкым кораҥдена. Россий Президент Владимир Владимирович Путин школ деч ончычсо тунемме учрежденийлаште верым ситарыме шотышто улшо нелылыкым 2021 ий марте рашемдаш кӱштен. Тидымак ме чолган ыштена, – каласен Александр Евстифеев.
Республик вуйлатыше ончыкыжым у еш-влак чоҥалтыт, икшыве-шамыч шочыт да йочасадлаште вер-влак йодмаш дене пайдаланаш тӱҥалыт манын ӱшанен палемден.
– Медведево районысо кучем 320 верлан у йочасадым чоҥаш тӱҥалаш ямдылалтеш. Тудым пашашке колтымеке, райрӱдыштӧ икшыве-влаклан верым ситарыме шотышто нелылык йомеш. Ончыкыжым садикыште верлан йодмаш тек кушкеш гына. Ме тидлан куанена веле. Кызыт республикыште – 150 тӱжем наре икшыве. Ӱмашсе январь дене таҥастарымаште, изи ийготан-влакын чотышт тӱжемат пелылан ешаралтын. Тиде, мутат уке, куандара, – рашемден регион вуйлатыше.
Тиде йочасадым официально почмекат, тудым ончен савырненыт. Ньога-влаклан кушкашышт, тунемашышт да нунын лӱдыкшыдымылыкыштлан учрежденийыште чыла йӧным ыштыме. Уремыште садик кумдыкышто модмо площадкым келыштарыме. Тушто тӱрлӧ оборудованийым вераҥдыме.
Республик вуйлатыше тиде кумдыкышто пушеҥге ден вондер шагал улмылан тӱткышым ойырен. Район администраций ден йочасад вуйлатыше ты ситыдымашым шошо марте кораҥдаш сӧреныт.
Л.КАМАЛЕТДИНОВА.
Д.Речкинын фотожо.
