15 сентябрьыште уло Россий мучко семынак Марий Элыште «Элын генеральный уборкыжо» экологий акций лиеш.
Россий президентын «2024 ий марте Россий Федерацийым вияҥдыме национальный цельже да стратегический задачыже-влак нерген» кӱштымашыжым илышыш шыҥдарыме дене кылден, тудым Общероссийский калык фронт увертарен. Тӱҥ шонымашыже — ола кундемлаште производство да быт шӱкшакым кораҥдаш да тыгак санкционированный огыл свалке-влакым пытараш. Марий Элын Пӱртӱс поянлык, экологий да йырым-йырысе средам аралыме министерствыжын увертарымыж почеш, тыгак мемнан денат тидын дене кылдалтше пашам шукташ палемдыме. Поснак аралыме пӱртӱс кумдыклам, эҥер ден ер серлам эрыктымылан кугу верым ойырышаш улыт.
С.Носова.
