УВЕР ЙОГЫН

Туткар: Корныш лектын шордо…

Ир янлык дене вашлиймаш адакат туткарыш шуктен. 

Марий аварийно-утарыше службыш индеш шагат кастене увер пурен: Озаҥ ден Кокшайск кугорныла коклаште эсогыл кум автомашина керылтыныт. Тидлан амалым шордо ыштен. Ик машинаже тудым тӱкен. Туткар лийме верыш Рӱдӧ аварийно-утарыше службын группыжо миен. ВАЗ-21009 машинан водительже нимат лийын огыл, но пассажирже-влак — пелашыже да икшывыже — изиш сусыргеныт. Нуным «вашкеполыш» машина дене эмлымверыш наҥгаеныт. А теве шӧрым шупшыктышо Mercedes кумыкталтын. Кабиныже локтылалтын, тушко пурашат лийын огыл. Газельын да грузовикын водительже-влак верыштак  коленыт. Утарыше-влак тыгак Газельышкат логал кертын огытыл, сандене кабиныжым гидравлический ӱзгар полшымо дене почыныт. Аварий лийме верыште МЧС-ын, ГИБДД-ын пашаеҥже, пожарный, медик-влак пашам ыштеныт.

 С.Носова. 

Опубликовать в Одноклассники

Добавить комментарий