КАЛАСЕ, "МАРИЙ ЭЛ"

Юрист умылтара: Шке гыч эртараш огеш лий

Корно происшествийыш логалше зависимый огыл экспертизым шке гыч организоватла гын, страховой компаний тудлан оксам тӱлышаш мо?

 А.Бариев.

Медведево посёлко.

Йодышлан Медведево районысо прокурорын полышкалышыже О.Г.Лесовщикова вашештен:

 — ОСАГО-н страховщикше жапыштыже локтылалтше погыжым ончен лектын, зависимый огыл технический экспертизым, зависимый огыл экспертизым (оценкым) эртарыктен огыл гын, тудым туткарыш логалше шкежак заказатлен кертеш. Вес ситуацийыште ОСАГО нерген закон почеш тудо тыгай зависимый огыл экспертизым эртарен огеш керт. Тыгай пунчалым Юл кундем округын Арбитраж судшо луктын. Но ончыт тыгаяк иктешлымашым РФ Верховный Суд ыштен.  

  «Транспорт средство-влакын озаштын граждан ответственностьыштым обязательно страховатлыме нерген» Федеральный закон дене келшышын, локтылалтше погым але тудын деч мо кодшыжым страховщикын ончал лекмекыже, страховщик ден туткарыш логалше страховко окса шотышто ик ойыш шуын огытыл гын, страховщик зависимый огыл технический экспертизым, тыгак зависимый огыл экспертизым (оценкым) шке организоватлышаш, а туткарыш логалше локтылалтше погыжым але тудын деч мо кодшыжым зависимый огыл технический экспенртизылан, тыгак зависимый огыл экспертизылан пуышаш. Сандене туткарыш логалше страховой оксам палемдыме дене келшыдымыж шотышто страховой компанийыш шижтарышаш да зависимый огыл экспертизым эртараш йодшаш. А шке гыч тудо тидым ыштен огеш керт.

С.Носова ямдылен.

Опубликовать в Одноклассники

Добавить комментарий