Инвалид икшыве-влаклан посна специализироватлыме кочкыш продуктым ситарыме шотышто могай паша ышталтеш?
Е.Красильникова.
Йошкар-Ола.
Йодышлан Медведево районысо прокурор С.С.Гусаченко вашештен:
— «Кугыжаныш социальный полыш нерген» Федеральный законын 6.2 статьяж почеш, инвалид икшыве-влак специализироватлыме эмлыме кочкыш прдукт дене медицине полыш стандарт дене келшышын полышым налаш праван улыт. Тиде переченьым кажне ийын РФ Здравоохранений министерствын посна комиссийже ямдыла. Переченьыш тений 71 кочкыш продуктым пуртымо. Кодшо ийын 69 продуктым пуртымо улмаш. Комиссийын заседанийжым Интернет гоч Здравоохранений министерствын официальный сайтыштыжат транслироватлат. Переченьыш пуртышашлык продукт ончыч Таможенный ушемын «Кочкыш продуктын лӱдыкшыдымылыкшо нерген» технический регламентын палемдыме регистраций радамжым эртышаш.
С.Носова ямдылен.
