«АРХ Параход 2018» проектын участникше-влак Козьмодемьянскыш толшаш улыт.
Российысе лӱмлӧ архитектор да дизайн студий-влакын озаштым, искусство ден СМИ пашаеҥ-влакым ушышо ты пректым АРХ Москва ден Pluton Project организаций-влак кажне ийын эртарат да параход дене вӱдышто каят. Тиде пагытыште пырля пашаштышт вашлиялтше пӱсӧ йодыш-влакым каҥашат. Тений ийын кайыме корнышт кум йыжыҥ дене 5-13 сентябрь гутлаште эрта: Москва -Ярославль, Ярославль — Нижний Новгород — Казань, Казань — Нижний Новгород. Кумшо йыжыҥым эртыме годым проектын участникше-влак Козьмодемьянскыштат лийыт.
С.Носова