УВЕР ЙОГЫН

Лӱмгече: Марий Элын 100 ияш лӱмгечыж вашеш художественный кинофильмым ямдылат

Марий Эл Республикын 100 ияш лӱмгечыж вашеш художественный кинофильмым ямдылат. Республикысе калык творчестве ден тӱвыра да каныш паша научно-методический рӱдер тудлан сценарийым возымо шотышто конкурсым увертареныт. 

Фильм марий калыкын историйже да тӱвыраж дене кылдалтше лийшаш. Творческий конкурсыш посна автор, писатель, тӱвыра да искусство пашаеҥ-влак ушнен кертыт. Тудо ик этап дене гына эрташ тӱҥалеш. Сеҥышыш лекшын сценарийж у художественный фильмлан негыз лиеш.

Конкурсышто участвоватлаш йодмашым 7 гыч 22 сентябрь марте тыгай адрес дене налыт: Йошкар-Ола, Кремлёвский урем, 41-ше №-ан пӧрт, 215-ше кабинет. Лекше йодышым 8(8362) 42-28-80 телефон номер дене рашемдаш лиеш.

С.НОСОВА.

Опубликовать в Одноклассники

Добавить комментарий