КУЛЬТУР ДА ИСКУССТВО ЛӰМГЕЧЕ

Лӱмгече: Я.Эшпай лӱмеш марий кугыжаныш филармонийлан — 80 ий

Я.Эшпай лӱмеш марий кугыжаныш  филармоний ынде ятр ий тӱнямбал музыкальный тӱвыран классический поянлыкшым, тыгак марий композитор-влакын произведенийыштым пропагандироватла. Шукерте огыл тудым вуйлаташ толшо у еҥ-шамычат тиде йӱлам умбакыже шуят. Кызыт филармонийым жаплан культурологий магистр Эрик Юзыкайн вуйлата, тудлан  алмаштыше семын Марий Элын сулло артистше Олег Славин ден О.Ипай лӱмеш премийын лауреатше Александ Речкин полшат.

31 августышто филармонийым ыштымылан 80 ий темын. МАССР Совнаркомын пунчалже тидлан негыз лийын. Тудо тачат национальный исксусствым вияҥдаш полшышо концерт пашам ворандара, республикысе творческий куатым шуара да кушта, марий композитор-влакын произведенийштым, нуным йоҥгалтарыше-влакым пропагандироватла, калыкнам, поснак самырык тукымым, музыкально-эстетически велым кушта, тӱрлӧ фестиваль ден концертым эртара. Кызыт тудын пелен Марий Элым  чапландарыше ныл творческий коллектив пашам ышта: «Марий Эл» куштышо кугыжаныш ансамбль, А.Искандаров лӱмеш кугыжаныш капелле, «Марий кундем» калык семӱзгар кугыжаныш, «Эреҥер» калык муро ансамбль-влак.

Кумданрак — «Марий Эл» газетын
2018 ий 31 августышто лекше номерыштыже лудын кертыда.

С.Носова.

Фотом Я.Эшпай лӱмеш кугыжаныш филармонийын архивше гыч налме.

Опубликовать в Одноклассники

Добавить комментарий