УВЕР ЙОГЫН

Марий Элысе МЧС-ын Тӱҥ управленийжын пашаеҥ радамже 14 еҥлан ешаралтын

Россий МЧС-ын Марий Элысе Тӱҥ управленийжын пашаеҥ радамже 14 еҥлан ешаралтын. 

Нуно Россий МЧС-н кӱшыл тунемме заведенийлажым тений тунем лектыныт. Нунын коклаште 5 ӱдыр уло. 8 офицер Пожар ваштареш кучедалше Москвасе кугыжаныш акадмийыште, нылытын Пожар ваштареш кучедалше Урал,  коктын тыгаяк Ивановысо инстиутышто шинчымашым нӧлтеныт.

Республикысе Тӱҥ управленийым вуйлатыше генерал-майор Александр Малкин самырык лейтенант-влаклан  служебный  удостоверенийым кучыктен да нунылан тыланымаш шомакым ойлен. Ойырен налме профессийыштын кӱлешлыкшым палемден да службым кӱлеш семын эрташ тыланен.

 Лишыл жапыште у пашаеҥ-влаклан лӱмын посна занятий-шамычым эртарат. Тушто нунын теорий шинчымашыштым, практический моштымашыштым тергат. Тыгак республикысе МЧС подразделенийын пашаж дене палдарат. Кугурак тергымашыже нуным Пембыште верланыше тунемме пунктышто вуча. Тушто пожарный-влакым психологически ямдылыме тулан полосам эртат, башньыш штурмовой тошкалтыш полшымо дене кӱзаш, тӱрлӧ нормативым сдатлаш логалеш.

Тунемме сбор деч вара самырык специаилист-влак служитлыме верлашке куснат.  Тӱҥ шотышто нуно пожарный частлаште  караул начальник ден надзор паша пӧлкалаште инспектор должностьлаште ышташ тӱҥалыт.

 С.Носова.

Опубликовать в Одноклассники

Добавить комментарий