Шинчымаш кече дене тунемше, студент-влакым тӱрлӧ учреждений ден организаций тӱрлӧ семын саламлат. Мутлан, республикысе марий тӱвыра рӱдер 1 сентябрь кастене Чарла Кремльыште этнодискотекым эртара. Тудо 18 шагатлан тӱҥалеш.
Дискотекыште ныжыл марий муро почеш кушташ, мураш веле огыл, эше марий модыш-влак дене модашат йӧн лиеш.
Этнодискотекым мурызо-влак Татьяна Денисова, Иван Смирнов, Светлана Строганова, Светлана Яндукова, Вадим Краснов, Марина Воронцова, Роза Искакова, Эльвира Токташева, Эльвира Петрова, Станислав Устюгов да Алексей Юнусов сӧрастарат.
Л.Камалетдинова.
