УВЕР ЙОГЫН

Йошкар-Олаште юношеский команде-влак коклаште мини-футбол дене турнир эртен

25 августышто Йошкар-Олаште юношеский команде-влак коклаште ОНФ-ын да «Барсы» футбол клубын кубокышт верч мини-футбол дене турнир эртен. Футболист-шамыч «Молодёжный» стадионышто модыныт. 

Тушто 12-14 ияш спортсмен-влак таҥасеныт. Йошкар-Ола да республикнан тӱрлє районжо гыч кандаш команде ушнен. Тыгак тушто организатор-влак мечым чумен моштымо шотышто мастер-классым ончыктеныт. Кумылан-влак рӱдоласе йоча футбол клубыш возалтын кертыныт.

– Тиде турнирын шонымашыже – Марий Элыште тӱшка футболым вияҥдаш, илышыш шыҥдараш. Тыгайым тыште икымше гана эртарена да тудо сай йӱлаш пура манын ӱшанена. Рвезе-влакат клубыштын чапшым кӱлеш семын араленыт. Ты спорт пайрем поро шӱлыш дене эртен. Спортсмен-влак физически ямде да тактически сайын модын моштымыштым ончыктеныт. Игечат сай лийын, ончаш толшо-шамычат ятырак чумыргеныт. Тыште сеҥалтше уке. Кажныже – сеҥыше,  – палемден Общероссийский калык фронтын Марий Элысе региональный отделенийжын чолга еҥже Егор Широков.

Шокшо таҥасымаште икымше верыш «ЗК» команде, кокымшыш «Азаново», кумшо верыш «Зелёный ключ» команде-влак лектыныт.

Е.Эшкинина.

Опубликовать в Одноклассники

Добавить комментарий