Шернур район Ведаснур ялыште тиде кундемыште илыше-влакым шарныктарыше стелым почыныт. Тудым Совет Ушем Герой, ты ялын шочшыжо И.Г.Отмаховын шарныктыш кӱжӧ воктене шогалтеныт.
Ял 1836 ийыште шочын. Тунам тушто 500 наре еҥ илен. А таче кечылан тушто ик еҥ гына шотлалтеш. Стелым почаш тиде кундемын эргыже, Шернур районысо военком А.Шабалин ден ончычсо военный К.Чумаченко шонен пыштеныт. Константин Анатольевич тиде ялыште шочын огыл гынат, тудын родо-тукымжо тыштак иленыт, санденак ялын лӱмжӧ ынже мондалт манын, стелым шогалтеныт. Стелыште шке жапыштыже тиде ялысе 88 суртышто илыше-влакын лӱмыштым возымо.
Л.ШАБДАРОВА.
