«МАРИЙ ЭЛ» ТАЧЕ

Подписке – 2018: «Марий Эл» газетын подписчикше лияш йӧнанак.

24 июльышто «Марий Эл» газетлан 2018 ийын икымше пелыжлан возалтше-влак коклаште лотерейым модылтымо. Комиссийыште тӱҥ редакторын пашажым жаплан шуктышо В.Смоленцев, ответственный секретарьын алмаштышыже Е.Тетерина, тазалыкым аралыме да социальный йодыш дене редактор М.Иванова, тӱҥ бухгалтер О.Мочалова да приёмный секретарь К.Фадеева лийыныт. Нунылан бухгалтер Л.Иванова, компьютер вёрстко оператор-влак С.Филина ден А.Алексеева полышкаленыт. 

Редакций чылаже 22 призым ямдылен. Тудым газетнан 371 подписчикше модын налаш кумылаҥын. Тылеч посна электрон да альтернатив подпискым ыштыше 29 еҥымат шотыш налме. Тыге, кӧлан мо логалын:

профессионал фотосессий – альтернатив подпискым ыштыше Александр Чендемеровлан;

«Марий Эл» газетлан 2019 ийын икымше пелыжлан яра подписке – электрон подпискым ыштыше Лира Кудряшовалан;

пырдыж календарь – Морко районысо Йошкарэҥер ялыште илыше Николай Савиновлан;

ӱдырамаш тувыр – Морко районысо Нурӱмбал ял гыч Владимир Беловлан;

фоторепродукций – Кужэҥер районысо Одывлак ялыште илыше Роза Таныгиналан;

сӱрет (картине) – Шернур районысо Лажъялыште илыше Анатолий Ивановлан;

Иван Смирновын муро дискше – Морко районысо Апанаево ял гыч Александр Ивановлан;

Марий Эл Республикысе йоча да самырык-влаклан марий театр-рӱдерыш ик тылзаш абонемент – Медведево районысо Пиясир селаште илыше Александр Ефимовлан;

М.Шкетан лӱмеш марий национальный драме театрыш ик тылзаш абонемент – Советский районысо Советский посёлко гыч Римма Зайцевалан;

«Маритекс» фабрикын марла возыман носкиже – У Торъял районысо Тошто Торъял ялыште илыше Лариса Ельмекеевалан;

«Йошкар-Ола» фотосӱрет – Советский районысо Курыкӱмбал ял гыч Владимир Кельдыбайлан;

«Яндар» ООО-н ямдылыме чайже – Параньга районысо Олор ялыште илыше Зинаида Ороспаевалан, Звенигово районысо Иркын ял гыч Зоя Шитовалан, Морко районысо Кораксола ялыште илыше Роза Ивановалан;

мончаш чийыме упш – Параньга районысо Ондропсола ял гыч Юрий Смирновлан;

книга комплект – Шернур районысо Шӱдымарий ялыште илыше Иван Рыбаковлан; Параньга районысо Кугу почиҥга ял гыч Роза Куклиналан; У Торъял районысо Йыврай почиҥгаште илыше Екатерина Шабалиналан; Морко районысо Кӱчыкэҥер села гыч Юрий Красновлан; Параньга районысо Штрамарий почиҥаште илыше Ольга Афанасьевалан;

салма – Параньга районысо Элпанур ял гыч Роза Шабалиналан;

когыльым кӱэштме формо – Морко районысо Овдасола ялыште илыше Надежда Петровалан;

салатнице – Советский районысо Советский посёлко гыч З.В.Сайметовалан (тичмаш лӱмжым ны квитанцийыштыже, ны конвертыштыже возымо огыл);

сакыр ате – Параньга районысо Усола ялыште илыше Галина Сунгуровалан;

шоколад гыч «книга» – У Торял районысо Изаҥа ял гыч Иван Речкинлан;

утюг – Параньга районысо Пумарий почиҥгаште илыше Ольга Милютиналан;

тӱрлымӧ «Сурт орол» – Волжский районысо Пезмучаш ял гыч Зинаида Жирновалан;

марий тӱран мешак + чай – Морко районысо Нурӱмбал ялыште илыше Владимир Николаевлан;

пластик окна (спонсор – «Мастар Мари» ООО, генеральный директоржо Б.Апакаев) – Волжский районысо Сотнур села гыч Зинаида Алексеевалан;

вич мешак пырче  (спонсор – Кужэҥер районысо «Тумьюмучаш» ООО, вуйлатышыже В.Таныгин) – Кужэҥер районысо Визымйыр ялыште илыше Елизавета Никифоровалан;

шудым солымо, тыгыде вондерым пӱчкедыме триммер-бензокосилке (спонсор – «АртИнструмент» кевыт сеть, озаже С.Артюх) – Параньга районысо Штрамарий почиҥга гыч Евдокия Максимовалан.

Пагалыме йолташ-влак, чыла гаяк приз редакцийыште кия. Пырче оза Елизавета Ильиничналан призым налме шотышто 49-55-11 номеран телефон дене приёмныйыш йыҥгырташ кӱлеш.

М.ИВАНОВА.

Опубликовать в Одноклассники

Добавить комментарий