Марий Элысе Мер палатын социальный йодыш шотышто комиссийже Йошкар-Оласе Мер-политике рӱдерыште 18 да тылеч кугурак ийготан инвалид-влакым пашаш пуртымо да нунылан ача-ава деч посна илен лекташ лийме йодыш-влак шотышто «йыргешке ӱстел» йыр мутланымашым эртарен.
Мероприятийыште Марий Эл Республикын Социальный вияҥмаш министерствыже, Паша да калыклан паша верым ситарыме департаментше, Медико-социальный экспертизын тӱҥ бюрожо, Паша шотышто кугыжаныш инспекций, Йошкар-Оласе калыклан паша верым ситарыме рӱдер, регионысо коммерческий огыл сектор да молат участвоватленыт. Нуно инвалид-влакын пашам кычалмышт годым лачшымак могай нелылык вашлиялтмым рашемденыт да тудым кораҥдыме йӧн-влакым палемденыт.
М.ИВАНОВА.
