Епископ Феофанын сугыньлымыж почеш, Волжский районысо Сотнур селаште эр ӱжара гыч кас ӱжара марте гаяк черкывуйым чоҥат. Таче кечылан тудым 6 метр нарылан нӧлталыныт.
Проект почеш черкывуй кум йыжыҥан да 22 метр кӱкшытан лийшаш, купол да ыресан шпиль дене мучашлалтшаш. Кокымшо да кумшо йыжыҥлаште вишым кодаш палемдыме, но Игорь ачан ойлымыж почеш, чоҥымо годым вашталтыш-влакат лийын кертыт.
Черкывуйым уло тӱня дене чоҥат, манаш лиеш. А Юмылан ӱшаныше-влак чаҥын чоным куандарыше да эрыктыше тӱрлӧ шӧрынан йӱкшым изин-кугун вучат.
М.ИВАНОВА.
