УВЕР ЙОГЫН

Марий Элын Мер палатыже пенсий дене кылдалтше «шокшо линийым» почын

«Пенсий ийготым кӱзыктымӧ нерген законопроект ваштареш улмым ончыктышо митинг ден акцийым эртарыме олмеш тиде йодышым тӱшкан каҥашаш пайдалырак ыле», – манеш Марий Элын Адвокат палатыжын президентше, РФ Мер палатын еҥже Ольга Полетило. 

Экспертын палемдымыж почеш, Россий кучемын «пенсий манёвр нерген законопроектше» калыкыште тӱрлӧ шонымашым луктын. Иктышт реформо дене келшат гын, весышт тореш улыт. Тидын шотышто шке шонымашыжым кажне гражданин ойлаш праван. Но чыла темлымаш, замечаний да торешмут шотыш налалтышт манын, калыкын кумда каҥашымашыже кӱлеш.

Пенсий дене кылдалтше законопроектым каҥашаш Марий Элын Мер палатыже «шокшо линийым» почын. Кумылан-влак шке темлымашыштым 42-40-27 телефон дене ойлен да oprme@yandex.ru электрон почтыш возен колтен кертыт.

М.ИВАНОВА.

Опубликовать в Одноклассники

Добавить комментарий