6-8 июльышто Челябинскыште куштылго атлетике дене 23 ияш марте ӱдыр-рвезе-влак коклаште Российын первенствыштыже Марий Эл гычат участник-влак таҥасеныт.
Олимпийский резерв училищыште тунемше Кирилл Семёнов (тренерже К.Лукьянов), шочынжо Провой кундем гыч, 800 метр кужытышто вийжым терген, эн сай результатым ончыктен. Финалыште икымше верым сеҥен налын (1.50.07.).
– Шонымо результатыш шумо. Ындыжым Российын чемпионатышкыже каяш ямдылалтына. Тудыжо 19-21 июльышто Озаҥ олаште лиеш. Вара Кирилл Челябинскыште, молодёжь-влак коклаште эртаралтше спартакиадыште, вийым тергаш тӱҥалеш, – ойла тренерже К.Лукьянов. – Кеҥеж гынат, канаш жап уке, лач куржталме тургым.
Е.Эшкинина.
