2018 ий 4 июльышто Республикысе шотлышо палате ден Федеральный казначействе виктем пашам пырля ыштыме нерген Соглашенийым ыштеныт. Тудым Шотлышо палатын председательже Сергей Каргальский ден Казначействе виктемым вуйлатыше Ангелина Астафьева кидпалыштым пыштен пеҥгыдемденыт.
Тиде соглашений кышкарыште
– тергыме мероприятийыште дублирований лийме деч кок велынат паша планышт шотыш кондалтеш;
– ик организаций ик жапыште пырля тергалтеш;
– тергыме результат, эксперт-аналитике мероприятийым эртарыме паша дене кылдалтше опыт да методический материал икте-весе коклаште пайлалтыт, эксперт да консультант полыш пуалтеш.
Соглашений кышкарыште ончыктымо паша пайдалынрак кайыже манын, пашаче группо ышталтеш.
Марий Эл Республикын Кугыжаныш шотлышо палатыже.
