УВЕР ЙОГЫН

Йошкар-Олан ончычсо мэрже Павел Плотниковым шыже марте петырымаште коденыт

Йошкар-Олан ончычсо мэрже Павел Плотниковым Йошкар-Оласе суд шыже марте кодаш пунчалым луктын.  

Тудо следственный изоляторышто кызытеш эн шагалже 17 октябрь марте шинчаш тӱҥалеш. «7х7» журналын возымыж почеш, адвокатше-влак тудым мӧҥгысӧ арестыш кусараш йодыныт, но судья йодмыштым шуктен огыл.

Тыгак изарнян лийше заседанийыште судья судебный следствий пытыме да титаклыше ден арален налше-влакын пренийышкышт куснымо нерген увертарен.

Ушештарена, Павел Плотниковым кок ият пеле утла ончыч, 2015 ий декабрьыште, арестоватленыт. Тиде жапыште ончычсо мэр шотышто кок уголовный делам петыреныт да икмыняр уым тӱҥалыныт. Кызытсе жаплан тудо предприниматель пашам закон дене келшыдымын шуктымылан да взяткым налмылан титаклалтеш.

Л.КАМАЛЕТДИНОВА

Опубликовать в Одноклассники

Добавить комментарий