Марий Эл Республикын Кугыжаныш Погынжын Председательже Ю.Минаков Марий Эл Республикын кудымшо созыв Кугыжаныш Погынжын кумло кандашымше сессийжым погымо нерген 2018 ий 3 июльысо 157-р №-ан кўштымашеш кидшым пыштен. Сессийын икымше заседанийже Марий Эл Республикым Вуйлатыше А.Евстифеевын темлымыж почеш Йошкар-Олаште 2018 ий 24 июльышто 12 шагатлан почылтеш. Тушто, Марий Эл Республикын Конституцийжын 71-ше статьяж дене келшышын, «Марий Эл Республикын 2018 ийлан да план почеш 2019 ден 2020 ийлан республиканский бюджетше нерген» Марий Эл Республикын 2017 ий 1 декабрьысе 53-З №-ан Законышкыжо пуртышаш вашталтыш ончалтеш.
Сессийын кокымшо заседанийже Йошкар-Олаште 2018 ий 26 июльышто почылтеш. Тудо Марий Эл Республикын Кугыжаныш Погынжын торжественный заседанийже семын эрташ тў‰алеш да Марий АССР – Марий Эл Республик кугыжаныш кучемын законым лукшо кўшыл органжылан 80 ий теммылан пєлеклалтеш.
Марий Эл Республик Кугыжаныш Погын Председательын 2018 ий 7 июньысо 124-р №-ан кўштымашыжым вийым йомдарышылан шотлымо.
