8-12 августышто «Каменная речка» тазалыкым пеҥгыдемдыме йоча лагерьыште оласе самырык тукымын I форумышт лиеш. Тушко студент ден ссузын тунемшыже, мер организацийын еҥже-шамыч ушнен кертыт. Нуным тунемме да каныме оҥай программе вуча: лекций, мастер-класс, проект дене пашам ыштымаш. Нуно шым темылан шелалтыт: «Самырык-влакын туризмышт ден тазаҥдыме инноваций», «Мый амалкалче улам», «Келшен толшо ола кумдык», «Цифр технологий – ола кокласе кумдыкым вияҥдымаш», «Йошкар-Олаште илем/ Оласе граждан патриотизм», «Социальный проектын кумдыкшо/Добровольчестве», «Самырык-влакын кадр резервышт» (тышке конкурсын финалистше-шамыч гына ушнат).
Форумыш йодмашым 15 июль марте пуэн шуктыман. Тидлан Марий Элын Образований да науко министерствыжын сайтыштыже анкетированийым эртыман.
Л.Шабдарова.
