УВЕР ЙОГЫН

Звенигово районышто волгенче пӧртым перен, да пожар тӱҥалын

3 июльышто Звенигово районысо Ялпай ялыште волгенче пӧртым перен, да пожар тӱҥалын. 

Кӱдырчӧ кӱдыртымым колмеке, суртоза икмыняр жап гыч волгенче рашкалтымым ужын, а изиш лиймеке, пӧрт леведышыштышт тул койылалтен. Тунамак пӧръеҥ пожарный-влаклан тидын нерген увертарен.

Нунын толын шумыштлан пожар пӧрт кӧргыш куснен шуктен да 35 квадрат метр кумдыкым авалтен. Пиалеш, тиде жапыште тушто иктат лийын огыл. Пожарный-шамыч туллан сурт-пече мучко шарлаш эрыкым пуэн огытыл. Туге гынат пӧрт леведыш локтылалтын, кӧргыштӧ мо улшо йӱлен.

Л.Камалетдинова.

Опубликовать в Одноклассники

Добавить комментарий