Кушкыжмын, 3 июльышто, Марий Эл Республикын правительстве председательжын алмаштышыже Юрий Сидыганов айлыме должностьшо гыч шке йодмыж почеш кораҥдалтын.
Ушештарена, тиде пашаште тудо кодшо ий ноябрь гыч тыршен. Тылеч ончыч Марий Эл Республикын ялозанлык министрже лийын.
Юрий Сидыганов – Марий политехнический институтын выпускникше. Тушто кужу жап пашам ыштен. Тудо — технический науко доктор, профессор, ПГТУ-н механико-машиностроительный факультетшым вуйлатен. Образований да науко сферыште надзор шотышто федеральный службын сертифицированный экспертше, научно-технический сферыште федеральный эксперт, Российысе вуз-влакын тунемме-методический ушемыштын агроинженерный образований областьыште советшын еҥже.
Л.Камалетдинова.
