29-30 сентябрьыште Татарстан Республикын торгово-промышленный палатыжын полшымыж дене Казаньыште тыгай лӱман декоративно-прикладной усталык Всероссийский фестиваль лиеш.
Тушко Российын 85 регионжо гыч кидмастар-влак ушнат.
Фестивальын икымше отборочный туржын иктешлымашыж почеш, финалыш Звенигово ола гыч Марий Элыште кумдан палыме кидмастар, марий костюм коллекций-влакым ямдылыше Надежда Майкова лектын.
Тиде мероприятий президент грант окса дене эртаралтеш.
Фестивальыш ушнышашлан www.handswomen.ru сайтыште регистрацийым эртыман.
Л.Камалетдинова.