«Кугу Какшан» заповедник тений 25 ияш лӱмгечыжым палемдыме амал дене пӱртӱсым войзаш йӧратыше фотограф-влакым фототурыш ушнаш ӱжеш.
Заповедник пашаен-влак тудын кумдыкшым ончыктат, кава йымалсе экспозиций-влак дене палдарат. А фотограф-влак варажым мотор пейзаж-влакым войзымо фотопашаштым эколого-просветительский пашаште кучылташ йӧным пуышаш улыт. Мутат уке, авторствым ончыкташ тӱҥалыт. Икымше тыгай тур 17 июльышто лиеш. Кумылан-влак заповедникын сайтшым да электрон почтыжым Итернет гоч муын кертыт.
С.Носова