30 июльышто Йошкар-Оласе Православный рӱдерыште «Мыйын юмемлан мурем» духовный муро да поэзий фестиваль лиеш.
Тудым Марий митрополий дене пырля Марий Элын Тӱвыра, печать да калык-влакын пашашт шотышто министерстве эртарат. Марий йылме дене йоҥгалтарыме муро да сылнымут гоч калыкым православный религийлан шӱмаҥдаш, талантан мурызо ден коллектив-влакым рашемдаш шонымаш дене тиде ышталтеш.
Фестиваль годым эн сайын шкетын мурышым, ансамбльым да хорым палемдат. Фестивальыш ушнаш шонышо-влак 15 июль марте sobor12@yandex.ru адресыш йодмашым, йоҥгалтарыме произведенийын текстшым, автор, композитор, участник нерген палдарымашым колтышаш улыт.
Фестиваль 14 шагатлан почылтеш. Участник-влакым онай программе вуча.
С.Носова.