Майыште южо пенсионерлан 10 тӱжем теҥге дене пуымо гыч шоктыш. Чынак мо? Тиде могай окса? Тудым кӧлан да молан пуэныт?
Л.Курочкин.
Кужэҥер район.
Йодышлан Россий Пенсий фондын Марий Элысе пӧлкажын пресс-службыштыжо тыге вашештеныт:
– Сеҥымашын 73-шо идалыкшым палемдыме пагытыште, Россий президент В.Путинын кӱштымашыж дене келшышын, Кугу Отечественный сарын инвалидше ден участникше-влаклан 10 тӱжем теҥге дене тӱлымӧ.
Ик гана тӱлыман тыгай сынан выплатым Марий Эл Республикыште 300 еҥлан пуымо. Май мучашлан тудым сарын чыла гаяк ветеранже ден участникше налын.
М.ИВАНОВА.
