Шушаш рушарнян, 10 июньышто, У Торъял поселкышто районысо Пеледыш пайрем лиеш. Ты ганат тудо садер лоҥгаште эрта.
Молгунамсе семынак погынышо-влакым верысе фольклор ансамбль ден посна мурызо-шамыч куандараш тӱҥалыт. Кумылан-влак «Онарын тукымжо» спорт таҥасымашке ушнен, волейбол дене модын кертыт. Йоча-шамычлан весела модыш программе лиеш. Тыгак «Эхо» ден «МиФ» ВИА-влак концертым ончыктат. Пайремыш уна семын Кужэҥер районысо Кугу Лаждӱр тӱвыра пӧрт пеленысе «Лӱҥгалтыш» вокально-инструментальный ансамбльым ӱжыныт.
Л.Камалетдинова.
