Общероссийский калык фронтын Марий Элысе пӧлкаже республикысе школ деч ончычсо тӧнежлаште йоча-влакым пукшымо шотышто шокшо линийым почын.
Ача-ава, тыгак тиде йодыш дене кылдалтше моло еҥ шке йодышышт ден темлымашыштым (8362) 45-51-70 телефон але 12region@onf.ru электрон адрес дене увертарен кертыт. Тыгодым вашкыллан фамилийым, лӱмым, ачалӱмым, телефоным але электрон адресым ончыкташ кӱлешан.
Шокшо линийым иктешлыме семын «фронтовик-влак» Роспотребнадзор дене пырля пукшымо шотышто йодышым лукшо йочасад-влакым тергат.
– Нарушений шотышто пурышо чыла уверым тергыме годым ситыдымаш рашемдалтешак гын, закон дене келшыше мер лиеш, – манеш регионысо ОНФ-ын «Образование и культура как основы национальной идентичности» пашаче группым вуйлатыше Татьяна Глушкова. – Тергыме результатым вараже пашаче группын заседанийыштыже каҥашаш, рашемдыме чыла замечанийым профильный министерствылашке да келшыше службылашке колташ палемденна
М.ИВАНОВА.
