Марий Элын Самырык-влакын политикышт, спорт да туризм министерствыже «Марий Эл Республикын туризмыштыже лидер» конкурсым увертарен.
Тудо ты отрасльым вияҥдаш полшышо ончылъеҥ-влакым рашемдышаш. Сеҥыше-влакым икмыняр номинацийыште палемдат:
- «Идалыкын окрытийже»;
- «Марий Эл Республикын турист рынкыжлан вияҥаш полшымаш» (посна раздел-влак дене);
- «Марий Эл Республикыште эн сай турист маршрут»;
- «Идалыкын эн сай экскурсийже»;
- «Идалыкын эн сай турист сувенирже»;
- «Идалыкын эн сай турпродуктшо».
Конкурсыш 22 гыч 60 ияш марте граждан, турист индустрийын Марий Эл Республикыште регистироватлалтше субьектше-влак, тыгак муниципальный образований ден оласе округ-влакын администрацийышт, отраслевой тунемме заведений, газет ден журнал редакций-влак ушнен кертыт. Конкурсын положенийжым сайтыште пален налаш лиеш.
С.Носова.
