УВЕР ЙОГЫН

Марий Эл Республик ден Стратегический инициативе агентстве соглашенийым подписатленыт

Марий Эл Республик ден Стратегический инициативе агентстве (АСИ) Петербургысо тӱнямбал экономический форум жапыште 25 майыште пашам пырля ыштыме нерген соглашенийым подписатленыт. Кидпалым регион вуйлатыше Александр Евстифеев ден АСИ-н генеральный директоржо Светлана Чупшева пыштеныт. 

Александр Евстифеевын ойлымыж почеш, вашкылым ыштыме нерген форум жапыште ятыр мутланымашым эртареныт.

— АСИ дене соглашенийым республиклан моткоч кӱлешанлан шотлем. Молан манаш гын Агентстве Россий Федерацийын регионлашкыже инвестицийым кондымо дене кылдалтше пашам шукта. Коммерческий огыл тиде Агентствын пашажым губернатор-влак моткоч кӱкшын аклат, — каласен Александр Евстифеев.

Форумын кокымшо кечынже республик вуйлатыше «Российын регионлаштыже инвестиций климатын могай улмыжо Национальный рейтингын иктешлымашыже презентаций» сессийыш ушнен.

— Мемнан шонымаште, инвестицийым кондымо шотышто инициативе шагал. Таче РФ субъект-влакын иктешлымаш рейтингышт дене палдарышт. Мемнан республикыште кушмаш коеш. Но тиде – ситышын кушмаш огыл, — ойлен регион вуйлатыше.

АСИ-н темлымашыж дене келшышын, Марий Эл кумдыкышто илышыш пурташ лийме коклаште шӱкшакым ойыркалыме, йоча да эмлымвер дене кылдалтше социальный волонтерство, муниципал образований-влакын экономикыштым вияҥдыме шотышто, икмыняр моло проект улыт.

Л.Камалетдинова.

Опубликовать в Одноклассники

Добавить комментарий