КАЛАСЕ, "МАРИЙ ЭЛ" СПОРТ

Чемпионат-2018: Иктышт футболла модыт, весышт пашам ыштат

Кеҥежым Российыште футбол дене тӱнямбал чемпионат лиеш. Тудо элнан латик олаштыже эрта. Нунын кокла гыч иктыже – пошкудо Озаҥ ола. Мемнан кундем гыч ончаш кайышыже уло? Палаш оҥай: тушко волонтёр але иктаж вес паша дене мийыше-влак лийыт? 

М.Макарова.
Шернур район.

Футбол дене тӱнямбал чемпионатын матчшым ончаш кумылан-влак, чынжымак, шукын улыт. Но тушко шонышо чыла еҥ логалын ок керт. Билетын акшат пеш шерге. Мутлан, Йошкар-Оласе ПГТУ-н студентше-влак Москошто эртыше ик матчыш тылзе ончыч 30 тӱжемаш билетым налыныт.

Татарстаныште чылаже куд матч эрта. Икымше матч 16 июньышто лиеш. Марий Эл гыч волонтёр-шамыч деч посна тӱнямбал чемпионатым патрулироватлаш полицейский-влак каят. Кодшо арнян тушко Йошкар-Оласе Ленин площадь гыч ик тӱшка полицейский-шамычым торжественно ужатен  колтеныт. Полицийын генерал-майоржо В.Косарев командировкыш кайыше отряд сай кӱкшытыштє пашам ышташ тӱҥалеш, ӱшаным сулат манын палемден. 

Е.Эшкинина.

Опубликовать в Одноклассники

Добавить комментарий