УВЕР ЙОГЫН

Звенигово районшто мардеж электровоштырым кӱрыштын

Кодшо каныш кечылаште шыдын озаланыше мардеж Звенигово районысо Кожласола ял калыкым азапыш пуртен. 

Тыште тудо верын-верын электровоштырым кӱрлын. Энергойогынышто вашталтыш лиймылан кӧра икмыняр суртышто телевизор, холодильник, компьютер, микроволновый коҥга да монь йӱлен каеныт. Энергетик-влак тӧрсырым жапыштыже кораҥденыт.

Тылеч посна тале мардеж эше икмыняр сурт-печым «ачалкален»: леведышым кӱрыштын, печым ирен. Икманаш, вичкыж верым терген, ял калыкым роскотыш пуртен.

М.ИВАНОВА.

Опубликовать в Одноклассники

Добавить комментарий