16 майыште У Торъялысе межпоселенческий рӱдӧ книгагудыш пӱтынь район гыч библиотекарь-влак семинарыш чумыргеныт ыле.
Тӱҥалтыште нуно шуктымо пашашт нерген каласкалышт, икте-весыштым опытышт дене палдарышт.
Школлаште каникул лишеммым шотыш налын, чумыргышо-влак умбакыже каныш жапыште йоча-шамыч дене могай мероприятийым эртараш, могай пашам ышташ шонымышт нерген ойлышт.
Вес семын каласаш гын, икшыве-влак дене тӱрлӧ семын вашкылым ыштен, ялласе библиотеке пашаеҥ-влак нуным книгам лудаш утларак кумылаҥдаш тыршат.
Л.Камалетдинова.
