УВЕР ЙОГЫН

Марий Элыште самырык-влакын республикысе кадр резервым чумырат

Марий Эл Республикым вуйлатыше А.Евстифеев «Чодырам шындыме всероссийский кече» акций деч вара ПГТУ-н студентше-шамыч дене вашлийын мутланен. Тушто тудо самырык-влакын республикысе кадр резервышкыже йодмашым пуаш тӱҥалме нерген каласен.

– Мартыште эртыше «Ончыко да кӱшкӧ!» республикысе форумышто кадрым чумырымо конкурс лийме нерген палдарыме ыле.  21 майыште тудо тӱҥалтышым налын. Самырык-влак полатын сайтыштыже  анкетым, мом ышташ кӱлмӧ шотышто уверым, графикым муаш лиеш.  Мый тендам тиде конкурсышко ушнаш ӱжам. Варажым тудым эше шуена. Санденак чулымрак лийза!  – каласен Александр Евстифеев.

Студент-шамыч дене вашлиймаште Марий Эл вуйлатыше кадр резервым республиклан, эллан кӱлеш специалистым ямдылыме нерген ойлен. Тыгак кундемнан самырык тукымжылан налме кӱкшыт дене гына серлагаш огыл, шке шонымашке шуаш, нелылык деч чакнаш огыл, йӧратыме пашаш чоным пыштен тыршаш темлен.

Марий Эл Республик вуйлатышын организаций-аналитике виктемжым уверже негызеш Л.ШАБДАРОВА ямдылен.

Опубликовать в Одноклассники

Добавить комментарий