УВЕР ЙОГЫН

Марий Элыште Тотальный диктантым 17 еҥ «визытан» отметкылан возен

14 апрельыште Тотальный диктант эртен. Тӱня мучко  акцийыш 1000 наре кундемыште ушненыт. Марий Элыште тений чын возен моштымым 904 еҥ терген. Нунын коклаште мемнан вузлаште йот элла гыч тунемше 58 студент лийын. Ты гана «визытан» отметкым 17 еҥ налын. Тушеч пелыже 17-19 ияш ӱдыр-рвезе улыт. 

Проектын Йошкар-Олаште координаторжо Сергей Журавлёв акций кугу кӱкшытыштӧ эртымым палемден. Тений моло ийла дене таҥастарымаште диктантым лудшо еҥ ситышын лийын. Тидыже Марий кугыжаныш университетыште лудаш туныктышо экспресс-семинарын эртымыж дене кылдалтын. МарГУ-н студентше-шамыч диктантым Звенигово, Козьмодемьянск, Волжск оласе школлаштат лудыныт.

Л.ШАБДАРОВА.

Опубликовать в Одноклассники

Добавить комментарий