Йошкар-Ола воктенысе Тумер отышто 20 майыште 10 шагатлан Агавайрем кумалтыш почылтеш.
Тудым Марий Элысе Марий юмыйӱла ушемын Йошкар-Оласе общиныже эртара. Отын кушто верланымыжым палыдыме-влаклан увертарена: тушко Шернур кугорно гыч, «Йошкар-Ола» манын кугун возымо деч тораште огыл улшо автозаправке ваштареш тыгыде шаргӱан корно пура. Кумалме вер марте ик километр наррак лиеш. Пырля тичмаш кинде сукырым, сортам, шийвундым намийыман.
С.Носова.
