Шернур районысо Кукнур ял шотан илемыш пурышо икмыняр ялышке газым пуртат. Газ пучым тений кеҥежым Аҥанурыш, Купсолаш, Лариш (Эшполдино), Кандрач почиҥгаш, Меке почиҥгаш, Ош Купыш, Оскан почиҥгаш, Эпакыш, Куэр почиҥгаш шупшыт. Тидлан республикысе бюджет гыч 15, 5 миллион теҥгем, районысо гыч 983 тӱжем теҥгем, бюджет деч ӧрдыжсӧ источник гыч 3,1 миллион теҥгем ойыреныт.
Госзакупко сайтыште вераҥдыме увер дене келшышын, пашам 31 июльышто мучашлышаш улыт. Чылаже «канде тул» 188 оралтыш мийышаш.
Л.ШАБДАРОВА.
