КАЛАСЕ, "МАРИЙ ЭЛ"

Йодыш-вашмут: Пеледышым вашталташ тореш лийыныт

Кевытыште махровый ош тюльпан шоганым налынам. Вес кечын тиде сорт шоганымак мылам пошкудем пуэн. Сандене кевытыште налмыжым, сатучо деке каен, вес сорт тюльпанлан вашталтынем ыле. Но сатучо тореш лийын? Тудо чын ыштен мо? 

А.Кельдыбаева.
Медведево посёлко.

Йодышлан Роспотребнадзорын Марий Элысе управленийжын пресс- службыштыжо вашештеныт:

 — Тюльпанын нӧшмо шоганже тыгак тӱрлӧ кугытан, форман, габаритан, фасонан, тӱсан але комплектациян сай качестван вашталташ але пӧртылташ лийдыме кочкыш огыл сату радамыш пура. Сандене тендан возымо ситуацийыште сатучо ик сорт тюльпаным вес сортлан вашталташ тореш лийме дене чын ыштен.

С.Носова ямдылен.

Опубликовать в Одноклассники

Добавить комментарий