УВЕР ЙОГЫН

Марий Элысе тоштер пашаеҥ Путинын инаугурацийышкыже миен

7 майыште Москваште, Кугу Кремль дворецыште, Владимир Путинын Россий Федерацийын Президентше должностьыш шогалмыжлан пӧлеклалтше торжественный мероприятий эртен. 

Инаугурацийыш погынышо еҥ ден ӱжмӧ уна-влак коклаште Марий Эл Республик вуйлатыше Александр Евстифеев лийын. Республикна гыч тыгак Марий Эл гыч Т.Евсеев лӱмеш национальный тоштерын историй отделжым вуйлатыше, науко да тӱвыра пашаеҥ Ольга Требушкова миен.

Молан лачшымак тудым ӱжыныт? Ӱмаште кеҥежым Россий Президент Владимир Путинын Йошкар-Олашке толмыж годым национальный тоштер мучко экскурсийым Ольга Анатольевна эртарен. Республикна нерген каласкалымыже Владимир Владимировичлан келшен, да Президентын тудым тыгай йӧн дене таушташ кумылжо лектын, очыни.

Л.Камалетдинова.

Опубликовать в Одноклассники

Добавить комментарий