«Авиалесоохрана» ФБУ чодырасе пожар-влакым шижын шуктымо да ты шотышто профилактикым эртарыме пашам саемдыме амал дене «Берегите лес» («Аралыза чодырам») мобильный приложенийым луктын.
Тудым чыла гаяк мобильный устройствыш (IOS, Android, WindowsPhone) яра вераҥдаш лиеш. «Пожароопасная обстановка» разделыште интерактивный карт гоч ИСДМ-Рослесхоз-ын данныйже гыч налме чыла пожар да туткар лийме годым мом ышташ кӱлмӧ нерген пален налаш лиеш. Ты мобильный приложений дене пайдаланыше-влаклан чрезвычайный ситуаций режимым пуртымо нерген смс-увертарымаш-влак толаш тӱҥалыт. Тиде приложенийым «Авиолесоохрана» ФБУ-н https://aviales.ru сайтше гыч налаш лиеш.
Каласен кодыман, тений шошым Марий Элыште ик чодыра пожар лийын. Тудо Курыкмарий районысо Рутко лесничествыште ылыжын.
С.Носова
