Тений Марий Элыште 1450 гектар кумдыкеш у чодырам шындаш палемдыме.
Кугурак ужашыжым, 1390 гектарыште, лачшымак шошым шынден кодыман. Игече йӱштырак шогымылан кӧра пушеҥгым шындыме тургым пагытат изиш шӱкалалтын. Марий Элын Пӱртӱс поянлык, экологий да йырым-йырысе средам аралыме министерствыжын пресс-службыжын увертарымыж почеш, кызыт у чодырам шындыме пашам 16 лесничествыште ворандарат. А теве Рутко лесничествыште тудым мучашленыт, 60 гектарыште пушеҥге озымым вераҥденыт. Кужэҥер, Юрино, Параньга районласе лесничествылаштат палемдыме пел пашажым шуктеныт манаш лиеш.
С.Носова.
