Республикысе Татар тӱвыра рӱдерын «Хэзинэ» кӱслезе ансамбльже Чувашийыште эртыше «URMAI-ZALIDA» тюрк тӱнян тӱвыра да искусство фестивальже гыч Гран-При дене пӧртылын.
Тӱнямбал кӱкшытан ты фестиваль тений кудымшо гана эртаралтын. Тушко Чуваший деч посна Моско ола, Угарман, Ульяновск областьла, Марий Эл, Татарстан, Мордовий, Саха (Якутий), Удмуртий, Башкортостан республикла, тыгак Узбекистан, Туркмений, Киргизий, Китай гыч усталык коллектив-влак миеныт.
Татар тӱвыра рӱдерын «Булгар» ден «Райхан» коллективше-влак, «Сандугач» вокальный студийын посна артистше-шамыч икымше степенян лауреат лӱмым сулен налыныт.
С.Носова.
